सिन्धुपाल्चोकको बाढी पहिरोमा हेलम्बुका थप चार जना बेपत्ता भएको खुलेको छ। योसँगै बेपत्ताको संख्या १७ रहेको छ।
यसअघि २० जना बेपत्ता भएकोमध्ये ३ जनाको शव फेला परेको छ भने चारजना सम्पर्कमा आएका छन्।
बिहीबार हेलम्बु गाउँपालिका १ का ४५ वर्षीय सुनिल तामाङ, ३५ वर्षीय पुर्ण तामाङ, ५० वर्षीय कामी तामाङ र उनकी ७० वर्षीया आमा पनि बेपत्ता भएको जानकारी आएको जिल्ला प्रशासन कार्यालय सिन्धुपाल्चोकले जनाएको छ।
यसअघि २० जना बेपत्ता भएकोमा ४ जना सम्पर्कमा आएका छन्।
१९ वर्षीय बिमल खत्री भन्ने देव खत्री, १७ वर्षीय राम थापा, १६ वर्षीय सुवास जिरेल र १६ वर्षीय कमल खत्री सम्पर्कमा आएका हुन्।
यसैबीच बिहीबार थप तीन जनाको शव फेला परेको छ। दुई चिनियाँ नागरिक र एक भारतीय नागरिकको शव फेला परेको हो।
