काठमाडौं– काठमाडौको टोखास्थित भुतखेलमा रहेको मनोहर उच्च माविका तीन जना विद्यार्थीले एउटै पङ्खाबाट उड्ने नमुना हवाइजहाज निर्माण गरेका छन् ।
कक्षा १० मा अध्ययनरत विद्यार्थीहरु सञ्जिव विक,सुर्वण घिमिरे र सविन लामाले बनाएको उक्त नमुना हवाइजहाजको बिहीबार विद्यालयमा डेमो उडान गरेका छन् ।
५ सय फिट हाइटसम्म उड्ने उक्त नमुना हवाइजहाजको एउटामात्रै पखेटा रहेको छ । साढे २ फिट लम्बाई रहको सो नमुना हवाईजहाज रिमोटबाट सहजै कन्ट्रोल गर्न सकिन्छ । ‘न्युटनको थर्ड ल’ अनुसार थर्माकोल लगायतका सामाग्री जोडेर सो हवाइजहाज बनाएको विद्यार्थीहरुको भनाई छ ।
जम्मा २५ हजार लगानीमा निर्माण गरेको उक्त हवाइजहाज हालै पाठ्यक्रम बिकास केन्द्रले गरेको राष्ट्रव्यापी विज्ञान प्रदर्शनीमा समेत प्रदर्शन गरिएको विद्यार्थी विकले बताए ।
