काठमाडौं, १२ असार । नेत्रविक्रम चन्द ‘विप्लव’ नेतृत्वको नेपाल कम्युनिष्ट पार्टी (नेकपा)ले दार्जिलिङमा भएको दमनको बिरोध गर्दै नेपालस्थित भारतीय राजदूतावासमा ज्ञापन पत्र बुझाएको छ ।
शान्तिबाटिकामा जम्मा भएर नेकपाका नेता तथा कार्यकर्ताहरू लैनचौर पुगेर भारतीय दूतावासमा ज्ञापनपत्र बुझाएका हुन् । ज्ञापनपत्रमा दार्जिलिङमा नेपाली भाषी भारतीय नागरिकहरूको शान्तिपूर्ण आन्दोलनमा दमन नगर्न भारत सरकारसँग आग्रह गरिएको छ ।
दार्जिलिङका नेपाली भाषी भारतीयले अलग गोर्खाल्याण्डको मागसहितको गरेको शान्तिपूर्ण आन्दोलनप्रति पनि नेकपाले समर्थन रहेको जनाएको छ ।
विगत दुई सातादेखि दार्जिलिङमा अलग गोर्खाल्याण्डको मागसहित भएको शान्तिपूर्ण आन्दोलनमा पश्चिमबंगाल सरकारले क्रुर दमन गर्दै आएको छ ।
भारतीय सञ्चारमाध्यमहरूका अनुसार तीन जना प्रदर्शनकारीको मृत्यु भइसकेको छ भने एक जना सुरक्षाकर्मीको पनि मृत्यु भएको छ ।दैनिक नेपाल
