काठमाडौं । पहिलो पटक आयोजना हुने लागेको फ्रेन्चाइज भलिबल प्रतियोगिता एभरेष्ट वुमन्स भलिबल लिग (इडब्लुभिएल) को टोलीको खेलाडी र प्रशिक्षकको नाम सार्वजनिक भएको छ ।
नेपाल भलिबल संघसँगको सहकार्यमा इन्फिनिटी ड्रिम्सले आयोजना गर्न लागेको लिगमा ६ टोलीले प्रतिस्पर्धा गर्नेछ । आयोजकले शुक्रबार प्रेसर लिजमार्फत सहभागि ६ टोलीको नेपाली खेलाडीको सूची र प्रशिक्षकको नाम सार्वजनिक गरिएको छ ।
पहिलो संस्करणमा काठमाडौं, ललितपुर, चितवन, गण्डकी, मधेश र कर्णालीको फ्रेन्चाइज टोली सहभागि छन् । मधेश र चितवनले आफ्नो नाम समेत सार्वजनिक गरिसकेको छ । मधेश युनाइटेड र चिनवत शक्ति नामाकरण गरिएको छ । आयोजकले यसअघि नै सहभागि ६ वटै टोलीको मार्की प्लेअर सार्वजनिक गरिसकेको छ ।
राष्ट्रिय टोलीकी कप्तान अरुणा शाही चितवन शक्तिको मार्की प्लेअर छिन् भने सरस्वती चौधरी गण्डकी, सलिना श्रेष्ठ ललितपुर, निरुता ठगुन्ना मधेश, उषा भण्डारी काठमाडौं र सुमित्रा रेग्मी कर्णालीको मार्की प्लेअर छन् ।
शुक्रबार मार्की सहित हरेक टिमको ८-८ नेपाली खेलाडी र प्रशिक्षकको नाम घोषणा भएको छ । प्रत्येक टोलीमा कूल १२ जना खेलाडी हुनेछन् । जसमा अब हरेक टोलीले ३ विदेशी खेलाडी राख्न पाउनेछन् भने एक खेलाडी स्थानिय ट्यालेन्ट हन्टमार्फत राख्नुपर्नेछ । विदेशी खेलाडी र ट्यालेन्टहन्ट मार्फत खेलाडी राखेपछि टिम पूर्ण हुनेछ । अनलाइन खबर
