काठमाडौं । बलिउड अभिनेता तथा गायक आदित्य नारायण झा आज विवाह बन्धनमा बाधिँएका छन् । लामो समयदेखी प्रेमसम्बन्धमा रहेकी श्वेता अग्रवालसँग उनले मंगलबार विवाह गरेका हुन् ।
चर्चित गायक उदित नारायण तथा गायिका दीपा झाका एक मात्र छोरा आदित्यले श्वेतासँग विवाह गरेका हुन् । मंगलबार सम्पन्न उक्त विवाहका तस्बिरहरु अहिले सामाजिक सञ्जालमा भाइरल बनिरहेका छन् ।
विवाहको दिन आदित्य क्रीम कलरको शेरवानीमा सजिएका थिए भने श्वेता गुलाबी र क्रीम कलरको लहंगा लगाएकी थिइन् ।
भारतिय मिडियाका अनुसार विवाहको भव्य रिसेप्सन पार्टी आज आयोजना भएको छ। रिसेप्सन पार्टी मुम्बईको एक फाइभ स्टार होटलमा हुने बताइएको छ ।
क्यानाडा नेपाल बाट
