रुपन्देहीको भैरहवामा रहेको मेडिकल कलेजमा पित्तथैलीमा रहेको पत्थरीको उपचारका क्रममा उनलाई कोरोना भाइरस संक्रमण पुष्टि भएको थियो ।
गिरीको पित्तथैलीमा पत्थरी देखिएपछि अपरेसन गरिएको पाटन अस्पतालका निर्देशक डाक्टर रवि शाक्यले जानकारी दिए । छातीमा समस्या देखिएपछि उनलाई आईसीयूमा राखेर उपचार गरिएको पनि डाक्टर शाक्यले बताए ।
आफूलाई कोरोना पोजिटिभ देखिएकाले सम्पर्कमा आएका सबैजना होम क्वारेन्टाइनमा बस्न आग्रह गर्दै अस्पतालबाटै उनले फेसबुकमा स्टाटस लेखेका थिए । कोरोनाको लक्षण देखिएको र श्वासप्रश्वासमा समस्या देखिएपछि उनलाई साउन २८ गते नै भैरहवाको भीम अस्पताल रिफर गरिएको थियो । निमोनियाको लक्षणसमेत देखिन थालेपछि उनलाई परिवारले साउन ३० गते ललितपुरस्थित पाटन अस्पताल लगेका थिए ।
विजय गच्छदारको नेतृत्वमा रहेको फोरम लोकतान्त्रिकका जिल्ला अध्यक्ष रहेका गिरी पार्टी एकीकरणपछि कांग्रेसको जिल्ला उपसभापतिमा मनोनित भएका थिए । मधेस आन्दोलनबाट राजनीतिमा प्रवेश गरेका गिरी एक सफल उद्योगीका रुपमा पनि स्थापित थिए ।
