काठमाडौं, १० पुस । प्रतिनिधिसभा विघटन विरुद्ध नेपाल कम्युनिष्ट पार्टी (नेकपा) ले आन्दोलन सुरु गरेको छ । प्रर्दशनमा तीन पूर्व प्रधानमन्त्री नेतृत्व अध्यक्षद्धय पुष्पकमल दाहाल ‘प्रचण्ड’, माधवकुमार नेपाल र झलनाथ खनाल सडकमा निस्किएका छन् ।
शुक्रबार बिहानबाट माइतीघरबाट सुरु भएको आन्दोलनमा नेकपा अध्यक्षद्धय प्रचण्ड र नेपाल सहित खनाल, प्रवत्ता नारायणकाजी श्रेष्ठ लगायतका शिर्ष नेताहरु छातीमा ‘हामी यहाँ छौँ’ टाँसेर माइतीघरको सडकमा बसेका थिए ।
यसैगरी नेकपाका स्थायी कमिटी सदस्यहरु, प्रतिनिधिसभाका सांसदहरु, राष्ट्रिय सभाका सांसदहरु र केन्द्रीय सदस्यहरुलगायतका नेता कार्यकर्ताहरु उपस्थित भएर संसद विघटन विरुद्धमा आन्दोलन सुरु गरेका छन् ।
बिहीबार बसेको केन्द्रीय कमिटी बैठकले शुक्रबारबाट दैनिक रूपमा कुनै न कुनै प्रकारको विरोध गर्ने र १४ गते देशभर विरोध प्रदर्शन गर्ने निर्णय गरेको थियो । शुक्रबार माइतीघरबाट सुरु भएको प्रर्दशन कान्तिपथस्थित निर्वाचन आयोगको कार्यालय अगाडि पुगेर टुग्गिएको थियो । यसपछि नेताहरुले निर्वाचन आयोगका प्रमुख आयुक्त दिनेश थपलियालाई भेटेर आफूहरु आधिकारिक नेकपा भएको बताएका छन् ।
प्रवक्ता श्रेष्ठले आफूहरुले प्रमुख निर्वाचन आयुक्तलाई भेटेर पार्टीको केन्द्रीय कमिटी बैठकमा उपस्थित भएकामध्ये माइन्युटमा हस्ताक्षर गर्ने २९५ जनाको आधिकारिक प्रतिलिपि बुझाएको बताए । जवाफमा प्रमुख निर्वाचन आयुक्तले राजनीतिक दलसम्बन्धी ऐनरकानुन हेरेर चाँडै नै निर्णय गर्ने आश्वासन दिएको पनि प्रवक्ता श्रेष्ठले जानकारी दिए ।
नेकपाले निर्वाचन आयोग अगाडि कोणसभा पनि गरेका थिए । कोणसभालाई स्थायी कमिटि सदस्य योगेश भट्टराईले आधिकारिक नेकपा बालुवाटारको नेकपा नभएर सडकको नेकपा भएको बताए । नेता भट्टराईले सूर्य चिन्ह र हसिया हथौडा आफूहरुको भएको बताएका हुन् ।
नेता भट्टराईले प्रतिनिसभा पुनः स्थापना नहुदासम्म र नेकपाका नेता बालुवाटारमा नबस्दासम्म आन्दोलन जारी रहने बताए । निर्वाचन सबैधानिक आयोग भएकोले तलमाथि गर्न नपाउने समेत बताए । उनले भने,‘यो सूर्य चिन्ह, यो हसिया हथौडा झन्डा हाम्रो हो ।’
नेता भट्टराईले सभामुखले तत्काल संसद अधिवेशन बोलाउनुपर्ने माग समेत गरे । उनले भने, ‘बहुमत मात्रै होइन दुई तिहाई सांसदहरु संसदमा उपस्थित हुन्छ ।’
नयाँ पेज बाट
