२०८१ भदौ २९ गते, शनिवारको दिन किरात याक्थुङ् चुम्लुङ् ललितपुरको १४औं बार्षिक जिल्ला चुम्लुङ् (साधारण सभा) ललितपुर चुम्लुङ् भवन (चुम्लुङ् हिम) शोभाहिटी-१४, ललितपुरमा सम्पन्न भयो ।
कार्यक्रमको सभाअध्यक्षता किरात याक्थुङ् चुम्लुङ् ललितपुरका अध्यक्ष क्या. टंक बहादुर चोबेगुले गर्नु भएको थियो भने प्रमुख अतिथि किरात याक्थुङ् चुम्लुङ्का संघीय उपाध्यक्ष श्री गोबिन्द आङ्बुङ् हुनुहुन्थ्यो ।
कार्यक्रममा अवकाश प्राप्त लेप्टेनेन्ट जनरल फत्ते बहादुर मेन्याङ्बो, उद्योगपति तथा समाजसेवी श्री नरेन्द्र राज गिरी लगायतका बिशिश्ठ ब्यक्तीहरू पनि आमन्त्रित हुनुहुन्थ्यो ।
कार्यक्रममा किरात याक्थुङ् चुम्लुङ् ललितपुरका उपाध्यक्ष ईन्स्पेक्टर शुभराज थाम्सुहाङ्ले स्वागत मन्तब्य दिनु भयो भने सचिव डम्बर यक्सो र कोषाध्यक्ष गंगा कुमारी लिम्बुले क्रमस प्रगति प्रतिबेदन र आर्थिक प्रतिवेदन प्रस्तुत गर्नु भएको थियो ।
कार्यक्रममा लिम्बु सांस्कृतिक परिषद ललितपुरका अध्यक्ष दिलीप लुम्फंवाको समुहले के-लाङ् (च्याब्रुंग् नाच) पनि प्रस्तुत गरेका थिए।
फोटो : निर्मल सुब्बा
