चलचित्रकर्मीले अभिव्यक्ति र कलाको स्वतन्त्रताको पक्षमा बुधबार काठमाडौँको माइतीघर मण्डलमा प्रदर्शन गरेका छन्। पाटन उच्च, अदालतले फिल्म ‘लालीबजार’ को प्रदर्शनमा रोक लगाएपछि चलचित्रकर्मी स्वतन्त्रताको माग गर्दै सडकमा उत्रिएका हुन्।
प्रदर्शनमा कलाकार, निर्देशक र संघसंस्थाका प्रतिनिधिको उपस्थिति थियो। अभिनेत्री स्वस्तिमा खड्का, कलाकारहरू खगेन्द्र लामिछाने, रविन्द्रसिंह बानियाँ, निर्देशकहरू मनोज पण्डित, अशोक शर्मा र गणेशदेव पाण्डेलगायतले माइतीघरमा उपस्थित भएर ऐक्यबद्धता जनाएका थिए।
त्यस्तै, चलचित्र संघका अध्यक्ष नरेन्द्र महर्जन र चलचित्र निर्माता संघका अध्यक्ष उदय सुब्बाले पनि प्रदर्शनमा सहभागी हुँदै कलामाथि हुने अंकुशको विरोध गरे।
