कार्यक्रम हेल्लो अमेरिका हेर्न यो लिंक क्लिक गर्नुहोस !!

गोमा एयरको कार्गो विमान लुक्ला विमानस्थलमा दुर्घटना….

जेष्ठ १३, २०७४- सामान बोकेर लुक्ला पुगेको गोमा एयर (समिट एयर) को कार्गो विमान तेन्जिङ हिलारी बिमानस्थलमा अवतरणको क्रममा दुर्घटनामा परेको छ । नाईन एनएकेए कल साइन भएको विमान दुर्घटनामा परी घाइते एयर होस्टेस प्रज्ञा मानन्धरलाई हेलिकप्टरबाट काठमाडौं ल्याउने तयारी भइरहेको छ ।

त्रिभुवन अन्तर्राष्ट्रिय बिमानस्थलका प्रवक्ता प्रेमनाथ ठाकुरले दुर्घटना भएको जानरकारी दिंदै हावाको चापको कारण दुर्घटना भएको हुनसक्ने बताए । उनले विमान धावनमार्ग बाहिर पुगेको जानकारी दिए ।

विमानमा रहेका क्याप्टेन पारसकुमार राई र कोपाइलट सृजन मानन्धरको खोजी भइरहेको ठाकुरले जानकारी दिए ।

विमान काठमाडौंबाट साढे १ बजे उडेको थियो । २ बजेर ४ मिनेटमा बिमान दुर्घटना भएको ठाकुरले जानकारी दिए ।

डिल्ला प्रहरी कार्यालय सोलुखुम्बुका डीएसपी माधव बुढाथोकीले विमानबाट क्याप्टेन र कोपाइलटलाई निकाल्ने प्रयास भइरहेको बताए । लुक्लाको मौसम खराब भएकाले उद्दारमा कठिनाइ भएको उनले बताए । मौसमका कारण अहिले लुक्लामा सबै उडानहरु रद्द गरिएको छ ।

बुढाथोकीका अनुसार दुर्घटनामा परी घाइते एयर होस्टेसको स्थानीय अस्पतालमा उपचार भइरहेको छ ।

 

 

सम्बन्धित शीर्षकहरु

मुख्य समाचार

……चलचित्र लोजिमाले सर्बोकृस्ट निर्देशक सर्बोकृस्ट नायिका सर्बोकृस्ट नायक लागायत सात विधामा एफ एल एफ अवार्ड २०२४ पाउन सफल भएको छ |

Most Recent