सहकारी समस्या समाधानका लागि रास्वपाले बुझायो प्रधानमन्त्रीलाई सुझावपत्र

काठमाडौं,१ फागुन । राष्ट्रिय स्वतन्त्र पार्टीले सहकारी तथा लघुवित्त पीडितलाई न्याय दिन सरकारको ध्यानाकर्षण गराउँदै सुझावपत्र बुझाएको छ ।

मंगलबार रास्वपाका सभापति रवि लामिछाने, उपसभापति स्वर्णिम वाग्लेलगायतका नेताहरुले प्रधानमन्त्री पुष्पकमल दाहाल प्रचण्डलाई भेटेर सुझावपत्र बुझाएको हो ।

रास्वपाको सुझावपत्र बुझ्दै प्रचण्डले सहकारी र लघुवित्तबाट पीडित भएका लाखौं नेपालीलाई न्याय दिन आफैँ सक्रिय भइरहेको बताएका छन् ।

प्रधानमन्त्रीले भने, ‘यो मामिलामा म सबैभन्दा बढी गम्भीर भएर लागेको छु। लाखौं बचतकर्ताहरू ठगिएका छन्, उनीहरूलाई हरहालतमा न्याय दिनुपर्छ भन्नेमा म दृढ छ। तपाईँहरूको सुझाव पनि म हेर्छु। यो समस्या जतिसक्दो छिटो टुङ्गाउन चाहन्छु, यसमा तपाईँहरूको पनि सहयोग चाहियो।’

सम्बन्धित शीर्षकहरु

मुख्य समाचार


Most Recent